İflicdə hansı psixoloji dəyişikliklər baş verə bilər?
İflicdə hansı psixoloji dəyişikliklər baş verə bilər? – Qəzəb, ümidsizlik, məyusluq və qəm kimi hisslər iflic xəstəsi və ailələri üçün normal hisslərdir. İşlə bağlı kədərlər, maddi itkilər, yaxın dostluq və etibarın itirilməsi narahatlıq və.s bu kimi hallar iflic olmuş xəstənin depressiyaya düşməsi üçün səbəb ola bilər. İnsultdan sonra yaranan ümumi yorğunluq depressiyanı pisləşdirə bilər. İflicli xəstə duyğularını idarə etməkdə çətinlik çəkir və iflic zamanı bir çox psixoloji dəyişikliklər baş verir. Əhval-ruhiyyənin dramatik dəyişmələri və qəfil partlayışlar xəstəlik üçün normal hal olsa da sağalmanı gecikdirən əsas səbəblərdəndir və bu kimi halların qarşısını almaq üçün ailə və həkim qarşılıqlı şəkildə xəstəni motivasiya etməli, sağalıb əvvəlki həyatına qayıdacağına inandırmalıdır. Hətta səhv zamanda gülmək və ağlamaq beyində insult nəticəsində zədələnmiş nahiyədən qaynaqlana bilər.
Ona bu simptomları və hissləri anlamağa və onlarla mübarizə aparmağa kömək etmək reabilitasiyanın vacib hissəsidir. Simptomlar şiddətli və ya uzun müddətlidirsə, psixoloq və ya psixiatrın məsləhətinə müraciət edilməlidir.
İflicdən sonra reabilitasiyam nə qədər çəkəcək ?
Reabilitasiya həyatı dəyişdirən davranış prosesidir. Reabilitasiya prosesi zamanı öyrənilən kompensasiya üsulları, strategiyalar və terapevtik proqramlar əslində funksional səviyyəni saxlamaq və ya artırmaq üçün həyata keçirilən həyat boyu planlardır. Müalicə xəstəxanada stasionar olaraq, evinizdə və ya müalicə üçün xəstəxanaya gündəlik gediş-gəlişi olan bir poliklinikada tətbiq oluna bilər. Düzgün reabilitasiya qrup şəklində aparılmalıdır.
İnsult reabilitasiyası qrupunda kimlər var?
Fizioterapiya və Reabilitasiya üzrə ixtisaslaşan və eyni zamanda komanda rəhbəri olan həkim
- Fizioterapevt
- Peşə terapevti
- Xüsusi təhsil mütəxəssis
- Reabilitasiya tibb bacısı
Psixoloq
- Danışıq-dil terapevti
- Sosial işçi
- Udma pozğunluğu mütəxəssisləri
Ortopediya və protez ustası
- Dietoloq
- Istirahət mütəxəssisləri (insultdan əvvəl xəstələrə sevimli fəaliyyətlərinə/hobbilərinə qayıtmağa kömək edin)
- Xəstə və ailəsi
İflicdən sonra yenə eyni ola biləcəyəm?
Bədəninizdə insultdan sonra mühüm dəyişikliklər baş verir. Bunun səbəbi odur ki, insult keçirdikdə sizin gündəlik həyatda fəaliyyətimizi, düşüncələrimizi və hərəkətlərimizi idarə edən beyin təsirlənir. Bu təsirin şiddətindən asılı olaraq müalicələrin və reabilitasiya tətbiqlərinin adekvatlığına görə normal yaxın vəziyyətə qayıtmaq mümkündür. Nəzərinizə çatdıraq ki, müalicə və reabilitasiyaya nə qədər tez başlasanız sağalma şansınız bir o qədər yüksəkdir.
