Bakı Bərpa Mərkəzi haqqında

Bakı Bərpa Mərkəzi Azərbaycanda reabilitasiya və bərpaya fərqli yanaşma gətirmək üçün yaradılıb. Reabilitasiyaya ehtiyacı olan pasiyentə xüsusi diqqət və həssaslıq lazımdır — buna görə komandamız peşəkar olmaqla yanaşı, gülərüz və mehribandır.

Yanaşmamız

Hədəfimiz müasir tibbdə qəbul və tətbiq olunan bütün müalicə üsullarından istifadə edərək pasiyentə şəfa verməkdir. Mərkəzimiz tibb elminin standartlarına cavab verən yeni texnologiyaların, peşəkar və dinamik personalın birləşdiyi bir tibb mərkəzidir.

Hər bir müraciətə fərdi yanaşırıq: müayinə, diaqnoz, müalicə proqramı və nəticənin izlənməsi ayrı-ayrı mərhələlərdir. Proqram bir prosedurdan yox, bir-birini tamamlayan üsullar toplusundan ibarətdir.

Stasionar

Mərkəzdə 20 yataq otağı mövcuddur. Burada xroniki xəstəliklərdən əziyyət çəkənlərin, əməliyyat sonrası xüsusi həkim nəzarətinə ehtiyacı olanların və uzunmüddətli neyroreabilitasiya tələb edən pasiyentlərin müalicəsi nəzərdə tutulub.

Komanda

Avropa, Türkiyə və Rusiyada təhsil almış yerli və xarici həkimlərimizlə yanaşı, administrativ personalımız da işinin peşəkarıdır. Ortopediya-travmatologiya, neyrocərrahiyyə, nevrologiya, fizioterapiya və loqopediya istiqamətlərində mütəxəssislərimiz çalışır.

Məqsədimiz

Xalqımıza yüksək keyfiyyətli və beynəlxalq standartlara cavab verən tibbi xidmət göstərmək, reabilitasiya üçün vətəndaşlarımızın xarici ölkələrdə deyil, məhz öz vətənlərində müalicə almalarını təmin etmək.