Boyun düzləşməsi, boyun bölgəsindəki fəqərələrin sıralanmasında normalda açıqlığı arxaya baxan aypara kimi yox, düz olmasına deyilir.
Boyun düzləşməsinin diaqnozunu üçün fizik müayinə etdikdən sonra rentgen çəkilməlidir. Rentgen ilə böyük ehtimalla diaqnoz qoyulmaqdadır. Boyun düzləşməsi üçün MRT testi, xəstənin simptomlarına əlavə olaraq boyun disk yırtığı varsa, və ya başqa problem varsa, istənir. Boyun düzləşməsi və boyun disk yırtığı bir birinə müşayiət edən kliniki vəziyyətlərdir və bir xəstədə boyun disk yırtığı varsa, boyun düzləşməsi olmadığı mənasına gəlmir.
Bu problem öz başına bir xəstəlik deyil. Bunun təməlində boyun bölgəsində olan fəqərələrin anatomik sıralanması pozulub. Hər zaman ağrılı olmaz. Amma mənfi təsirləri göz qabağında olduğu üçün ən azından evdə idman hərəkətləri edərək və ya klinikamızda reabilitasiya programları ilə bunun qarşısını almaq olar.
Boyun düzləşməsinin səbəbi yüksək yastıqla yatmaq, önə doğru əyilmiş pozisiyada uzun müddət işləmək, telefon, tablet və komputerlə uzun müddət məşğul olmaq sayıla bilər.
Anatomik pozisiyaya görə normaldan kənara çıxan bir vəziyyət olduğu üçün əzələlər normal anatomik pozisiyalarına görə daha çox dartıldığı üçün xüsusilə boyun arxası bölgədə ağrıya səbəb olur. Bəzən başın arxasından dartılma tərzində baş ağrısına səbəb olur. Bu ağrılar boyun düzləşməsini qısa müddətdə mənfi təsir edir.
Pozisiya düzəltilməz və baş boyun pozisiyası günlük həyatda düzgün olmayan pozisiyada qalmağa davam edərsə, orta və uzun müddətdə boyun disk yırtığı və buna bağlı olaraq qollarda uyuşma və güc azalmasına səbəb olan vəziyyətlər görülə bilir.
Boyun düzləşməsinin əsas müalicə üsulu düzgün duruş pozisiyasında qalmaq və şəxsin öz özünü düzəltməsidir. İntensiv edilən hərəkətlər də vacib müalicə üsulları arasındadır. Əzələ və boyun ağrıları üçün qısa müddətlik dərman müalicəsi istifadə etmək olar. Prosesin bütün mərhələlərini dəstəkləmək məqsədi ilə xəstəni fizioterapiya programına alınmalıdır. Boyun hərəkətlərinin və duruş hərəkətlərinin həftədə 3-4 dəfə ən azından gündə bir dəfə etmək vacibdir.
Boyun düzləşməsi çox uzun müddətdir davam edirsə, ağrılar xroniki hal ala bilər. Bu səbəblə müalicədə xroniki ağrılarda istifadə olunan dərmanları əlavə olunması düzgündür və vacibdir.
