Ortopedik Reabilitasiya
Xəstəlik, qəza, duruş korlanmaları və s. ağrı və ya müxtəlif məhdudiyyətlər səbəbindən normal hərəkət fəaliyyətimiz pozulduqda həkimə müraciət edirik. Düzgün diaqnoz və müalicə planı ilə ən qısa müddətdə köhnə vəziyyətimizi bərpa etməyə çalışırıq. Ortopedik Reabilitasiya
Sağalmaq sadəcə ağrının keçməsi deyil !
Şübhəsiz ki, şikayətin əsl səbəblərinin aradan qaldırılması ağrının aradan qaldırılması ilə yanaşı gedəcəkdir. Ancaq bu müddətdə müxtəlif hərəkət məhdudiyyətləri, hərəkət ilə ağrı və bunlara görə zəiflik və yorğunluq kimi problemlər meydana gələcəkdir. Bu vəziyyət gündəlik həyatımızı əvvəlki kimi davam etdirməyimizə mane olur.
Məsələn, çiyin ağrısı saçlarımızı daramağa mane olur. Əməliyyatdan sonra diz və ayaq biləyi zəifliyi səbəbindən pilləkənləri qalxmaqda çətinlik çəkirik. Ya da bilək vətərlərindəki şikayətimiz klaviaturada rahat yazı yazmağımızı əngəlləyir.
“ Ən qısa zamanda əvvəlki vəziyyətimizə qayıtmalıyıq ! “ – Sağalmağın tərifi tam olaraq budur !
Toxumanın tam şəkildə bərpası, əvvəlki vəziyyətinə qayıtması üçün keyfiyyətli və profesional reabilitasiya dəstəyi almalıyıq.
Ortopedik Reabilitasiya hansı problemlər ortaya çıxdıqda gərəklidir ?
- Bel və boyun narahatlıqları
- Menisks Yaralanmaları
- Bağ zədələri
- Burxulma və zədələnmələr
- Əzələ və tendon gərilmələri
- Çiyin və diz xəsarətləri
- Sınıq, çıxıqdan sonra bərpa
- Çanaq və diz protezləri və.s ortopedik reabilitasiya gərəkdirən problemlərdir.
Bel və Boyun Narahatlıqları
Boyun ağrısı bel ağrısı qədər yayılmasa da, bütün yaş qruplarında vacib bir problemdir. Hər üç nəfərdən birinin ömründə ən az bir dəfə boyun ağrısı müşahidə edilməkdədir. Daha çox işləyən insanlarda bel və boyun ağrısı sıx-sıx olur. Boyun və bel ağrıları, travma nəticəsində yaralanma səbəbindən ola biləcəyi üçün ilk olaraq ağrının mənbəyi təyin edilib diaqnoz qoyulmalıdır. Bir çox bel və boyun ağrılarının təməlində onurğa problemləri yatır.
Menisk Yaralanmaları
İdmançıların tez-tez qarşılaşdıqları problemlərdən biri olan Menisk yırtığı gündəlik həyatda bir çox insanın başına da gələ bilər. Ağır yük daşıyanlar, daim ayaq üstdə dayanan, ev işləri ilə məşğul olan evdar qadınlar və yaşlı insanlar menisk yırtığı ilə üzləşə bilərlər. Çox vaxt bədən ağırlığının bir tərəfə verildiyi zaman meydana gələn bu cür xəsarətlər bəzən hətta diz çökmək, əyilmək və ağır yük qaldırmaq kimi sadə hərəkətlərdə də baş verə bilər.
Bağ yaralanmaları
Çarpaz bağ və ön çarpaz bağ zədələnmələri ümumiyyətlə idman zədələri kimi tanınır. Ani dönmə, və ya istiqamətin dəyişdirilməsi nəticəsində dizdəki stres çarpaz bağ və ön çarpaz bağ yaralanmalarına səbəb ola bilər. Ön çarpaz bağ zədələnmələri fiziki müalicə ilə aradan qaldırılır. Xəstəliyin ilk mərhələsində dizdə güclü ödem və ağrı olur, buna görə fiziki müalicə tam təsir göstərmir. Tam nəticə əldə etmək üçün fiziki terapiya 10 ilə 15 gün ərzində davam etdirilməlidir.
Əzələ və tendon gərilmələri
Tendonun həddindən artıq və çarpaz yüklərlə gərilməsi və ya sıxılması zədələnməyə səbəb ola bilər və nəticədə qismən və ya tam şəkildə vətər qopması ilə nəticələnə bilər. Genlərimiz, pəhrizimiz və ətraf mühitimiz, qan dövranımızın zəifləməsi, gut və romatoid artrit kimi müxtəlif revmatik xəstəliklər kimi səbəblər tendona birbaşa təsir edərək və bərpa etmə qabiliyyətini azaldaraq tendon xəstəliklərinə səbəb ola bilər.
Çiyin və diz ağrıları
Çiyin ağrısına səbəb olan problemin diaqnozunu qoymaq üçün ağrı sahəsi, ağrının şiddəti, hərəkətləri nə qədər məhdudlaşdırması, əvvəllər çiyin problemi olub-olmaması və xəstənin yaşı nəzərə alınmaqla hərtərəfli müayinə aparılır. Daha sonra zəruri hallarda çiyin ağrısının səbəblərini təyin etmək üçün rentgen, tomoqrafiya, MR, artroskopiya və laborator müayinələr tətbiq olunur. Çiyin ağrısının səbəbindən asılı olaraq dərman və fizioterapiya müalicəsi tətbiq olunur. Lakin, ağır hallarda, cərrahi müdaxilə də tələb oluna bilər. Çiyin probleminin növündən asılı olaraq, çiyin gərmə fəaliyyətlərini məhdudlaşdırmaq və bir müddət istirahət etmək də şikayətlərinizi azaltmağa kömək edəcəkdir.
Diz ağrısı bədənin diz nahiyəsində yaranan bağ və ya yırtılmış qığırdağın zədələnməsi nəticəsində ola bilər. Artrit və infeksiyalar da diz ağrısına səbəb ola bilər. Diz ağrısı hər yaşdan insanları təsir edə biləcək ümumi bir şikayətdir. Diz ağrısının daha yüngül növləri özünüzə diqqətlə baxaraq spontan olaraq aradan qalxa bilər. Eyni zamanda, fizioterapiya və dizlik istifadəsi də diz ağrısını azaltmağa kömək edə bilər. Bununla belə, bəzi hallarda diz üçün cərrahi müdaxilə də lazım ola bilər.
Sınıq və çıxıqdan sonra bərpa
Sınıq gipsdə olsa belə reabilitasiyası mümkün qədər tez bir zamanda başlamalıdır. Bu bərpa prosesi qan axımının normala qayıtması, əzələ toxumasının qorunması , laxtalanma və sərtləşmənin qarşısının alınmasına kömək edir.
Radiasiya, şiş, infeksiya, kortikosteroidlər, diabet, siqaret kimi zərərli vərdişlər, zəif pəhriz, metabolik sümük xəstəliyi, açıq sınıq kimi hallar sınıq və çıxıqların bərpasını çətinləşdirir.
Çanaq və diz protezləri
Çanaq və diz protezi əməliyyatları oynaqla birlikdə bəlirli səbəblərdən dolayı xəsarət almış, zədəli oynağın süni oynaqla əvəz edilməsi ilə nəticələnən bir əməliyyatdır. Çanaq və diz protezi cərrahi proseduru olmayan ağrıların qarşısını alır sınıq və çıxıqlardan sonra stabillik və balansın qorunmasını təmin edir və oynağın hərəkətini artırır. Əməliyyatdan sonra sümüyün və toxumaların bərpası üçün reabilitasiya vacibdir.
Reabilitasiyada Məqsədimiz nədir ?
Aktiv fəaliyyəti qorumaq və bərpa etmək, ağrı və hərəkət məhdudiyyətini minimuma endirmək və dəyişən şərtlərə uyğunlaşma qabiliyyətini artırmaqla xəstənin həyat keyfiyyətini və sosial mühitə uyğunlaşmasını artırmaqdır. Reabilitasiyamız: Uzunmüddətli məhdudiyyətin istənilən mərhələsində fərdlərin həyat fəaliyyətini asanlaşdırıraq onları əvvəli sağlamlığına qovuşdurur. Reabilitasiya tez bir zamanda baş verib nəticələnən bir proses deyil. Bunun üçün də xəstə və xəstə yaxınlarına fizioterpevtik dəstəklə birlikdə psixilojik dəstək də lazım ola bilər. Hər şeydən öncə işini profesional görən və bu sahədə kifayət qədər təcrübəyə malik insanlarla bu prosesə başlamaq mütləqdir.
Bakı Bərpa Fizioterapiya və Reabilitasiya Mərkəzi olaraq 4 ildən çoxdur ki bərpa prosedurlarını keyfiyyətli şəkildə həyata keçiririk. Bu sahadə 12 ildən çoxdur ki fəaliyyət göstərən Onurğa və Oynaq Mərkəzinin rəhbəri Tibb üzrə Fəlsəfə Elmləri Doktoru Travmatoloq-Ortoped Onurğa Cərrahı Doktor Kamil Eyvazov reabilitasiya və fizioterapiyanın xüsusilə əməliyyatdan sonrakı dövrlər üçün faydalı bir müalicə metodu oldugunu qeyd edir.
Özünüzün və yaxınlarınız sağlamlığı üçün seçimlərinizi düzgün edin!
Sağlamlığınızı bizimlə birgə bərpa edin!
