Dəstəşəkilli baş ağrısı
Dəstəşəkilli baş ağrısı – Qəfildən, çox şiddətli gözarxası, gözətrafı hissədə, üzün bir yarısında baş verən ağrıdır. Ağrı 15 dəqiqə ilə 90 dəqiqə arası davam edir. Ağrı zamanı, gözün arxadan önə basınc tərzi bir ağrı (sanki göz yerindən çıxacaqmış kimi) gözdə qızarma, yaş axma, gözə qum dolma hissi, üzdə tərləmə müşahidə olunur. Dəstəşəkilli baş ağrısı gün ərzində bir neçə dəfə tekrarlana bilir. Bəzən yuxudan qəfil çox şiddətli ağrı ilə dura bilir. Bəzən bu xəstələr özünəqəsd də edə bilir.Öz-özunə aylarla remissiya yarana bilir. Bu ağrını çox zaman beyin qanamalari, işemik insultlarla qarışıq salına bilir. Şüphəli məqamlarda KT və MRT müayinəsindən istifadə olunur. Müalicəsində antikonvulsantlardan istifadə yaxşı nəticə verir.
Klaster baş ağrıları
Klaster (ingilis sözü olub “cluster” – “dəstə”sözündəndir) baş ağrıları – yalnız kişilərin “imtiyazıdır” və buna görə də onu bəzən “kişi miqreni” də adlandırırlar.
Bu növ baş ağrıları, adətən, 20-30 yaşında olan kişilərdə baş verir. 60-65 yaşlarında isə, adətən, keçib gedərək, bir daha təkrarlanmayır. Mütəxəssislər hesab edirlər ki, klaster baş ağrılarından işləyən kişilərin böyük əksəriyyəti əziyyət çəkir.
Dəstəşəkilli baş ağrıları yalnız 10 yaşdan yuxarı, əsasən, oğlan uşaqlarında olur. Baş ağrıları 1-2 illik fasilə ilə həftələr və aylarla sürən tutma dövrü ilə səciyyələnir. Bəzən ildə 1-2 dəfə – payızda və yazda ola bilər. Remissiya dövründə ağrı olmur.
Baş ağrıları əsasən yuxuda başlayır. Ağrı 30-60 dəqiqə sürən partlamalar şəklində olar, gün ərzində 2-6 dəfə təkrarlana bilər. Daim birtərəflidir və bütün həmlələrdə eyni tərəfdə olar. Ağrı başın yarısına yayılmazdan əvvəl bir gözün arxasında və ətrafında olar. Həmlə zamanı xəstə sakit dura bilmir, otaqda gəzinir– bununla da miqrendən fərqlənir (miqrenli xəstə yuxuya meyillidir). Ağrı şiddətlidir, zoqquldayan və ya sürəkli xarakterlidir. Dərinin saçlı hissəsi ödemli və həssaslığı yüksəlmiş ola bilər. Ürəkbulanma və qusma olmur. Bunlarla yanaşı, əsas xarakterik əlamətlər- başın ağrı olan yarısında vegetativ pozulmalar: gözdə konyuktivanın qızarması, həmin tərəfdə göz yaşı axması, Horner sindiromu ( ptoz, miyoz, enoftalm) , üzdə qızarma və burun tutulması ortaya çıxar.
Əgər göstərilən simptomları özünüzdə hiss edirsinizsə dərhal həkimə müraciət edin.
Bakı Bərpa Mərkəzi | Fizioterapiya Mərkəzi | Reabilitasiya Mərkəzi | Fizioterapiya və Reabilitasiya Mərkəzi |
Sağlamlığınızı bizimlə bərpa edin!
